ആർക്കിയോളജിക്കൽ സർവേ ഓഫ് ഇന്ത്യയുടെ സംരക്ഷണത്തിലാണ്. ഇവയെല്ലാം പ്രത്യേകം വേലികെട്ടി വളരെ വൃത്തിയായി സംരക്ഷിക്കപ്പെട്ടവയാണ്. ഇവിടെ A S I യുടെ (Archaeological Survey of India) രണ്ടു ബോർഡുകൾ സ്ഥാപിച്ചിട്ടുണ്ട്. അതിലൊന്ന് പ്രസ്തുത സ്മാരകത്തിന്റെ പ്രത്യേകതകളെ കുറിച്ചും രണ്ടാമത്തേത് ഈ സ്മാരകങ്ങൾ സംരക്ഷിക്കപ്പെടേണ്ടതാണെന്നും അതിന് ഏതെങ്കിലും വിധത്തിലുള്ള കേടുപാടുകളോ മറ്റോ വരുത്തുന്നവർക്കെതിരെ ശക്തമായ നിയമ ശിക്ഷ നടപടികളുമായി ബന്ധപ്പെട്ട താക്കീതുമാണ്. സംരക്ഷിത സ്മാരകങ്ങൾ നശിപ്പിക്കുകയോ മാറ്റം വരുത്തുകയോ കേടുപാടുകൾ വരുത്തുകയോ അവിടെ നിന്നും എന്തെങ്കിലും എടുത്തു മാറ്റുകയോ ചെയ്യുന്നവർക്കെതിരെ ക്രിമിനൽ നടപടികൾ കൈക്കൊള്ളുന്നതാണ്. രണ്ടു കൊല്ലത്തോളം നീണ്ട തടവുശിക്ഷയോ , ഒരു ലക്ഷം രൂപ പിഴയോ, രണ്ടും കൂടിയോ ചുമത്താവുന്നതാണ്. അതുപോലെ സംരക്ഷിത സ്മാരകങ്ങളുടെ 100/200 മീറ്റർ പരിധിയിൽ നിർമ്മാണ പ്രവർത്തനങ്ങൾക്കും നിയന്ത്രണം ഏർപ്പെടുത്തിയിട്ടുണ്ട്. അങ്ങനെ എന്തെങ്കിലും നിർമ്മാണമോ, നവീകരണമോ, പുനർനിർമാണമോ, അറ്റകുറ്റപ്പണികളോ ചെയ്യണമെങ്കിൽ ന്യൂഡൽഹിയിലെ ദേശീയ സ്മാരക അതോറിറ്റിയുടെ മുൻ കൂട്ടിയുള്ള അനുവാദം വാങ്ങേണ്ടതാണ്. ഞങ്ങൾ സന്ദർശിച്ച സ്മാരകങ്ങൾ എല്ലാം തന്നെ 1951ലും1982ലുംആർക്കിയോളജിക്കൽ സർവേ ഓഫ് ഇന്ത്യ സംരക്ഷണ സ്മാരകമായി പ്രഖ്യാപിച്ചിട്ടുള്ളവയാണ്
അരിയന്നൂർ കുടക്കല്ല്
കേരളത്തിൽ തൃശ്ശൂർ ജില്ലയിലെ കണ്ടാണശ്ശേരി പഞ്ചായത്തിൽ സ്ഥിതി ചെയ്യുന്ന ചരിത്രാതീത കാലത്തെ മഹാശില സ്മാരകങ്ങളിൽ ഒന്നാണ് അരിയന്നൂരിലുള്ള കുടക്കല്ല്. ഇവ വെട്ടുകല്ലുകൾ ആണ്. ഇവിടെ ആറ്
കുടക്കല്ലുകൾ ഉണ്ടായിരുന്നു എന്നാണ് പറയപ്പെടുന്നത്.പക്ഷേ ഇപ്പോൾ നാലെണ്ണം മാത്രമാണ് പൂർണ്ണരൂപത്തിൽ കാണാൻ കഴിയുന്നത്. ബാക്കിയുള്ള രണ്ടെണ്ണം പൂർണമായി തകർന്ന നിലയിലാണ്. വലിയ കല്ലുകൾ താഴെ കിടക്കുന്നതു പോലെയുള്ളവയായിട്ടാണ് അവ കാണപ്പെടുന്നത്. മൂന്നോ നാലോ വലിയ കല്ലുകൾ കുത്തനെ ചരിച്ച് കുത്തിനിർത്തി അതിനുമുകളിൽ കുടയുടെ ആകൃതിയിലുള്ള വലിയ കല്ല് വച്ചിരിക്കുന്നു. A S I യുടെ രണ്ട് ബോർഡുകൾ പ്രവേശന കവാടത്തിന് മുന്നിലായി സ്ഥാപിച്ചിട്ടുണ്ട്. കമ്പിവേലി ഉപയോഗിച്ച് ചുറ്റുംകെട്ടി ബലവത്താക്കി വൃത്തിയായി സൂക്ഷിച്ചിട്ടുണ്ട്.
ഗുരുവായൂർ ശ്രീകൃഷ്ണ കോളേജിൽ നിന്നും തെക്കു-പടിഞ്ഞാറായി ഏകദേശം മുക്കാൽ കിലോമീറ്റർ ദൂരപരിധിയിലാണ് ഈ സംരക്ഷിത സ്മാരകം സ്ഥിതി ചെയ്യുന്നത്.
കുന്നംകുളം ഗവൺമെൻറ് മോഡൽ ഗേൾസ് ഹയർ സെക്കൻഡറി സ്കൂളിലെ സോഷ്യൽ സയൻസ് ക്ലബ്ബിലെ ഏതാനും അംഗങ്ങൾ ചേർന്ന് ഈ ഏപ്രിൽ ഒന്നിന് സ്കൂളിൻ്റെ ഏകദേശം 15 കിലോമീറ്റർ പരിധിയിൽ വരുന്ന പ്രദേശങ്ങളിലുള്ള മഹാശില സ്മാരകങ്ങൾ സ്ഥിതിചെയ്യുന്ന പ്രദേശങ്ങളിലേക്ക് ഒരു യാത്ര സംഘടിപ്പിച്ചിരുന്നു
